Vai a…

News Leaks Global

RSS Feed

17 dicembre 2018

Paperis de Pànama | 38 annus de documentus abrighendi


Paperis de Pànama: Unu scandulu mannu fai timiri e tremiri personalidadis nodias de totu su mundu. Is “Paperis de Pànama”, milionis de pàginas de datus privaus “fuius” de s’ufitziu panamesu Mossack Fonseca, spetzialista in aposentari sotziedadis “offshore”est a narriri sotziedadis registradas segundu is leges de unu stadu stràngiu chi cumprint, perou is fainas issoru foras de cussu paisu, cun s’intentu de nci scabulliri s’imponidura fiscali in su stadu innui bivint.

Paperis de Pànama | 38 annus de documentus abrighendi

Fueddant is giorronalis de prus de 70 paisus amesturaus in custu scandalu, unu stampixeddu chi ghetat luxi po poder oghiari su mundu scùriosu de sa finàntzia.

Paperis de Pànama | A cantu parit, prus de milli “disconnotus”: càbudus de stadu, miliardàrius, bandas criminalis, campionis sportivus e personàgius nodius a livellu internatzionali si funt inderetaus a cussas sotziedadis dispintadas po frassari sa richesa issoru.

In mesu anca ddu at Vladimir Putin; su primu ministru islandesu Sigmundur David Gunnlaugsson; su giogadori de bòcia argentinu Lionel Messi; su presidente suspèndiu de sa UEFA Michel Platini.

Is “Paperis de Pànama” alluxentat una bisura spantosa: prus de 214milla sotziedadis “sprigu” bogadas o aministradas de Mossack Fonseca de candu dd’ant fundada in su 1977 e finas a su 2015, postas totus in d-una bintina de paraisus fiscalis e po clientis bèssius de prus de 200 paisus e territòrius. Unu giru planetàriu chi imprassat continentis e otzeanus, andende de Lussemburgu a Pànama, de Svitzera a is Isulas Innidas britannicas, de is Isulas Samoa a is Seichellas, de Monacu a is Bahamas.

Is sotziedadis chi capint in is “Paperis de Pànama” no funt totus illegalis o scuriosas, calecuna ndi dd’ant bogada aberu po lomper a innantis fainas econòmicas decraradas o po furriari prus simplis unus cantu investimentus internatzionalis. Perou, sa majoria de issas ddas imperant che a sotziedadis “sprigu”, po cuai benis cun s’agiudu de prestanòminis.

Su dinari chi passat anca de Mossack Fonseca duncas, andat de su lìmpiu, frutu de fainas legalis a su mesu-brutu, amuntonau gràtzias a sa trampa fiscali, finas a su dinari improddau meda chi ndi lompit de corrutzioni e crimini cuncordau (innui is chi amontunant fortunas in dinari no funt bandius sceti ma finas sportivus e càbudus de stadu).

In mesu de is 800 itàlianus chi capint in is “Paperis de Pànama: Luca Cordero de Montezemolo, Giuseppe Donaldo Nicòsia, Jarno Trulli, is bancas Unicredit e Ubi, su presidenti de Alitàlia. E is nòminis no acabant innoi.

® Scritto da: Giovanna Dessì ®

© Articolo protetto da copyright ©

© Contiene il “Diritto Di Corta Citazione” ©

Il sito internet www.newsleaksglobal.com viene costantemente aggiornato dalla redazione online, allo scopo di diffondere l’informazione 

facebook News Leaks Global

Tags:

Lascia un commento

Il tuo indirizzo email non sarà pubblicato. I campi obbligatori sono contrassegnati *

About News Leaks